«Әмір Бейбарыс 1260 жылы Египеттің сұлтаны болып, елді 17 жыл 2 ай және 12 күн биледі. Бала кезінде 800 динарға құлдыққа сатылған болатын. Шашы сарғыш, көзі көк, бір көзін ақ басқан. Дауысы өте зор болған. Сирияда моңғолдарды екі мәрте талқандаған. Көптеген каналдарды, кеме жасайтын верфьтерді қайта салдырған. Әскерді қайта құрған.…. Әлемдік Сарайын салдырып, онда әрбір жексенбі және жұмада арызданушыларды тыңдаған, шетел елшілерін қабылдаған. 1264 жылы әйелдерге шалма киюге тыйым салған. Захирия медресесі мен өзінің атындағы мешітті салдырған. Мешіттің төрт бұрышты аумағы (төрт жағы да 100 м шамасында) биіктігі 11 м мықты қабырғалармен қоршалған.
1279 жылы билік басына Қалаун әулеті келді. Қалаун да қыпшақ даласынан шыққан, сұлтан ас-Салих 1000 динарға сатып алған құл болатын. Кең иықты, алып денелі нағыз батырдың өзі болған. Қыпшақ тілінде сөйлеген. 1284-1285 жж. Каирде кесенені, аурухананы және медресені біріктіретін кешен салдырған. Қазір оның тек қираған орны ғана жатыр. Медресе мен кесене аса ерекше ғимараттар деп саналады, оларға туристер көп келеді».
Мәтінде сипатталған тұлғалардың тарихи отанын анықтаңыз: