«Орыс сазгері, сыншы, дирижер, педагог, музыка қайраткері. Петербургте құқықтану училищесін (1850-1859) бітіріп, 1859 жылдан бастап 1861 жылға дейін әділет министрлігінде шенеунік болды. Училищеде болған жылдары хорда ән салып, Р.Кюндингерден фортепианодан сабақ алды. 1861 жылы Н.Зарембадан музыка теориясы сабағын алды. Одан әрі музыкалық білімді 1862 жылы Петербург консерваториясында жалғастырып (1865 жылы бітірді), А.Рубинштейннің шәкірті болды.
1866-1877 жылдары Мәскеу консерваториясының профессоры, 1874-1876 жылдары «Русские ведомость» газетінің музыкалық сыншысы болды. 1878-1885 жылдары, негізінен, Ресейді аралап, шетелдерде болып, шығармашылықпен айналысты. 1885 жылы Орыс музыкалық қоғамының Мәскеу бөлімшесінің директоры болды. Осы жылы Клинге таяу жердегі Майданово селосында қоныстанды. 1887 жылдан бастап, негізінен, өз шығармаларын орындап, дирижер болып істеді. 1888-1889 жылдары Еуропаға үлкен концерттік сапармен шығып, 1892 жылы Мәскеу түбіндегі Клинде қоныс тепті. 1892 жылы Франция институтының мүшесі болып, 1893 жылы Кембридж университетінің (Англия) құрметті докторы болып сайланды. ...
Шығармалары: «Воевода» (1869), «Ундина» (1869), «Опричник» (1874), «Кузнец Вакуда» (1876), «Евгений Онегин» (1879), «Орлеанская дева» (1881), «Пиковая дама» (1890), «Лебединое озеро» (1877), «Спящая красавица» (1890), «Щелкунчик» (1892) балеттері».
Мәтінде берілген тұлғаны анықтаңыз: