Әр 3 минут сайын ағаштың 0,5 метр бөлігін қиып алатын болсақ, 6 метр ағаштың неше минутта жарты метрлік бөліктерге бөлінетінін табыңыз.

Кестеде 7 ақпан күнгі Астана қаласының ауа райы болжамы көрсетілген. Осы күнгі ауа райы температурасының медианасын анықтаңыз.

Жұмысшы өз кезегін әр 5 күн сайын ауыстырып тұрады. Ол 1-ші кезекшілігін жұма күні бастады. Оның 11-ші кезекшілігі аптаның қай күніне сәйкес келеді?

1-ден 100-ге дейінгі (100-ді бірге алғанда) натурал сандарды бір жолға тізбектей жазғанда пайда болған санның цифрларының санын табыңыз.

Қорапта 10 ақ, 8 қызыл және 7 қара түсті асықтар бар. Қораптан кездейсоқ алынған асықтың ақ және қара түсті болмау ықтималдығын табыңыз.

Бактериялар бөліну арқылы көбейетіні белгілі. Бір секундта бір бактерия үшке бөлінеді, осы үшеуінің әрқайсысы келесі секундта үшке бөлінеді, т.с.с. 5 секунд ішінде бактерия саны қанша болатынын табыңыз.

Туристтік компания қызметкерлерінің 15 – і ағылшын тілін, 12 – і неміс тілін және 13 – і француз тілдерін біледі. Олардың төртеуі ағылшын және француз, бесеуі ағылшын және неміс тілдерін біледі, ал үшеуі үш тілді қатар біледі. Компаниядағы тек ағылшын тілінде сөйлейтін қызметкерлер санын табыңыз.

Бір тәуліктегі ауа райы температурасының өзгеру графигі берілген. Ауа райы температурасы ең төмен болған уақытты (сағ) табыңыз

Футбол алаңындағы бір команданың ойыншыларының орташа жасы 29 жас. Бір ойыншыны ойыннан шеттеткеннен кейін қалған он ойыншының орташа жасы 30 жас болды. Шығып қалған ойыншының жасы нешеде екенін анықтаңыз

Төрт санның арифметикалық ортасы 56-ға тең. Егер осыларға 16 санын қосып, осы сандардың арифметикалық ортасын алатын болсақ, қандай сан шығатынын анықтаңыз.