АСТАНА. 23 2013 жылы 23 тамыз күні Л.Н.Гумилев атындағы Eуразия ұлттық университеті мен ЮНЕСКО білім, ғылым және мәдениет мәселелері жөніндегі халықаралық ұйым арасындағы өзара әріптестік жөніндегі меморандумға қол қойылды.Меморандумның мақсаты - Л.Н.Гумилев атындағы Eуразия ұлттық университетіндегі ұлысаралық және дінаралық қарым-қатынастағы төзімділік жөніндегі ЮНЕСКО кафедрасын ашу; адам баласын ұлтына, дініне немесе көзқарасына қатысты кемсітпеуге үйрету, сондай-ақ адам құқығы, сөз бостандығы және ұлтаралық қарым-қатынастардағы жастар мәдениетінің негізгі қағидаттарын қарастыру.
Сонымен қатар бұл құжат аясында жастарға 1945 жылы 16 қарашада қабылданған ЮНЕСКО-ның жарғысында жазылған негіздерді және адамгершілік ынтымақтастықты оқыту, ұлысаралық қарым-қатынастар саласындағы қоғамның азаматтық және мемлекеттік институттары арасындағы өзара іс-әркеттерінің тиімділігіне септігін тигізу ескеріген.
Өзара әріптестік құжатына Л.Н.Гумилев атындағы ЕҰУ ректоры Ерлан Сыдықов және ЮНЕСКО-ның бас директоры Ирина Бокова қол қойды. Қазіргі таңда ЮНЕСКО кафедралары еліміздің 4 жоғары оқу орнында ашылған.
Eуразия ұлттық университетіндегі ЮНЕСКО кафедрасы келесі жобалар бойынша жұмыс жасайтын болады:
«МЕН - БҰЛ СЕН» - Қазақстан, Ресей және Орталық Азия елдерінен келген студенттер арасындағы төзімділікті тәрбиелеу жөніндегі ай сайынғы дәрістер топтамасы;
«Ұлы Жібек жолы керуені» - «Жібек жолы бойындағы әңгімелер» Орталық Азия халықтарының мәдениетін зерттеуге арналған жыл сайынғы басқосу. Жүргізуші атақты мәдениеттанушы Мұрат Әуезов;
«МANGI ЕL» - Қазақстан тарихшылары Ұлттық конгресінің аясында шығатын көпшілікке танымал халықаралық журнал. Оның мақсаты - Қазақстан тарихының жетістіктерін және негіздерін көпшілікке дәріптеу және оқырманның тарихи көзқарасын қалыптастыру;
«ПИРАМИДА ҰСТАНЫМЫ» - Қазақстан, Орталық Азия, Ресей ғалымдарының қатысуымен жаратылыс ғылымдарында жасалған жетістіктер топтамасы;
«ТАРИХ ӘУЕНІ» - Қазақстан, Ресей, Орталық Азия және тағы басқа да елдердегі халықтық музыканы бағалаушылардың жыл сайынғы концерттік топтамалары.