ТАРАЗ. 29 Жамбыл мектептерінің 70 пайыздан астам түлегі 2012 жылы Бірыңғай ұлттық тестілеуді тапсыруға ниет білдіруде, деп хабарлады облыстық білім беру басқармасынан.Ведомство басшысы Сұлушаш Құрманбекованың айтуынша, ҰБТ-ні 11 878 түлектің 8 584-і тапсырады деп күтілуде.

Бұл ретте «Алтын белгіні» алуға 385 түлек үміттенуде, тағы 219-ы ерекше үлгідегі аттестат алуды көздеп отыр.

Облыстық білім беру департаментінің мәліметтерінше, 2012 жылы республикалық пәндік олимпиадаға қатысқан жамбылдық оқушылардың тобы жаратылыстану-математикалық ғылымдар бойынша - бірінші, гуманитарлық ғылымдар бойынша - екінші орынға ие болды.

2012 жылы аймақта 17 білім беру нысанын салу көзделуде. Осылайша, Қордай ауданында жалпы сыйымдылығы 2 300 орыннан асатын үш орта мектеп ғимараты тапсырылады. Меркі ауылында - мың орынға арналған орта мектеп, ал Сарысу ауданының Шағалалы ауылында - 48 орындық бастауыш мектеп, Байзақ ауданының Сарыкемер ауылында - 600 орынға арналған орта мектеп, Тараз қаласының Қолтоған тұрғын алқабында - 180 орындық орта мектеп тапсырылады.

Бұдан басқа, Тараз қаласында 720 орынға есептелген Назарбаев Зияткерлік мектебі салыну үстінде, сондай-ақ облыс аудандарында құрылысы 2013 жылы аяқталатын алты орта білім мекемелерінің құрылысы басталуда.