АСТАНА. 24 Талантты жастарға «Дарын» үкіметтік сыйлығын тапсыру рәсімі 27 желтоқсан күні Астанада өтеді.Бұл туралы бүгін өткен брифингте ҚР Президенті жанындағы Орталық коммуникациялар қызметінің ресми өкілі Алтай Әбибуллаев мәлім етті.

1-27 қазан аралығында ҚР Білім және ғылым министрлігі лауреаттарды таңдауды жүргізген. Облыстық және қалалық жастар ұйымдарының өкілдері, облыстық жастар мәслихатының депутаттары, ЖОО-ғы жастар ісі бойынша комитеттердің төрағалары ғылым, өнер немесе қоғамдық өмірде ерекшеленген кандидаттарын ұсынды.

Әр жылдары олардың иегерлері қатарында еліміздегі танымал тұлғалар: Бахтияр Артаев, Илья Ильин, Ольга Шишигина, Мейрам Бегентаев, Ринат Кертаев, Бекболат Тілеухан, Нұрлан Өнербаев, Қыдырәлі Болманов, Ерболат Құдайбергенов және тағы басқалары болды.

Сыйлық екі жылда бір рет 10 аталым: ғылым, әдебиет, журналистика, спорт, халық шығармашылығы, дизайн және бейнелеу өнері, эстрада, театр және кино, классикалық музыка, қоғамдық жұмыстар бойынша беріледі.