АЛМАТЫ. 1 Бүгін Алматы қаласының  әкімі Ахметжан Есімов Жетісу және Түрксіб аудандарындағы жаңадан салынған 3 балабақшаның жағдайымен танысты.Қазақ тілінде тәрбие беретін мектепеке дейінгі бұл мекемелер  2,5 жас пен 6 жас аралығындағы балаларды қабылдайды. Олардың жалпы сметалық құны - 631 млн. 590 мың теңгені құрады. Мәселен әрқайсысы 80 орындық № 17 және  №145  шипажайлық үлгіде бұрынғы ескі нысандардың орнына салынған. Ал 120 орынды № 176 балабақша өз тәрбиеленушілеріне келесі аптадан бастап өз есігін айқара ашатын болады. Ал жыл аяғына дейін «Қарасу» ықшам ауданында 320 орынды тағы бір балабақша ашылмақ.