АСТАНА. 6 сәЕртең Л.Гумилев атындағы Еуразия ұлттық университетінде «ашық есік күндері» өтеді, деп хабарлады білім ордасының баспасөз қызметінен.
Шараның басты мақсаты - мектеп бітіруші түлектерді отандық білім беруде ең үздік болып отырған ЕҰУ-де білім алуға шақыру.
Ашық есік күніне Астана қаласының 65 мектебі, қалалық білім бөлімі, мектеп директорлары, ата-аналар, қоғамдық ұйымдардың өкілдері қатысады. ЕҰУ-дың бас ғимаратындағы «Астана» атриумынан мектеп бітіруші түлектер оқу орнындағы факультеттермен толық танысып, ақпарат алуға мүмкіндігі бар.
Айта кетейік, былтыр 11 140 мектеп бітіруші түлек, оның ішінде 2 053 - «Алтын белгі» иегері, 268-і ғылыми жобалар мен республикалық пәндік олимпиадалардың жүлдегерлері, сондай-ақ Қазақстанның барлық аймағынан және шетелдің азаматтары Еуразия университетінің студенті атанды. Осындай көрсеткіштер нәтижесінде ЕҰУ былтыр QS World University Rankings халықаралық рейтінгі жасаған сараптама нәтижесінде 450 жетекші университеттің қатарына енді.