– Қашықтан сабақ оқитын оқушылардан мектеп формасын киюді талап етуге болмайды. Бұл туралы Орталық коммуникациялар қызметінде өткен мектеп оқушыларының ІV тоқсанда қашықтықтан оқу жүйесіне арналған онлайн конференцияда айтылды, деп тілшісі.

«Кейбір директор, ұстаздар оқушылардан үйде сабақ оқыған кезде тиісті форма киюді талап етеді екен. Бұл туралы көп сұрақтар қойылып жатыр. Біз бұл мәселені қолдамаймыз және бұлай жұмыс жүргізуге болмайтынын айтамыз», - дейді ҚР Білім және ғылым министрі Асхат Аймағамбетов.Оның айтуынша, бүгінгі күні 167 мемлекет қашықтықтан оқыту жүйесіне көшкен.«1 миллиардтан астам бала қашықтан оқыту жүйесі арқылы білім алуда. Қандай қиындықтар болса да, оған дайын немесе дайын емес болсақ та, мұның алдындағы заңнамада болған жоқ екенін айтсақ та осы жүйеге көшуге тура келеді. Осыған қатысты біраз мәселе бар екенін білеміз. Бұл - білім саласы үшін үлкен сынақ. Проблемалардың бар екенін біліп, оларды шешіп, тиісті деңгейде орындаймыз деп ойлаймыз», - дейді ҚР Білім және ғылым министрі Асхат Аймағамбетов.