АЛМАТЫ. 20 - Алматыда әл-Фараби атындағы ҚазҰУ-де қазақ тіл білімі мен ғылымының дамуына зор үлес қосқан көрнекті тілші-ғалым, филология ғылымдарының докторы, профессор Мархабат Томанұлы Томановтың туғанына 80 жыл толуына орай «Филологияның қазіргі заманғы трендтері: дәстүрі мен болашағы» атты халықаралық ғылыми-теориялық конференция өтіп жатыр.Конференция жұмысы барысында мемлекеттік тілдің қолданылуы мен оның әлеуметтік мәртебесі; лингвистика дамуындағы қазіргі кезеңдегі басымдықтар; тіларалық қарым-қатынас: түркі тілдерінің салыстырмалы зерттеулері; әлем кеңістігіндегі түркітану ғылымы; тарихи грамматика және қазіргі түркі тілдері; мәтіннің тілдік аспектісі және мәдениет деңгейі; студенттердің тілдік дайындығындағы инновациялар; көркем аударма және әдебиеттану поэтикасының мәселелері сынды тақырыптар көтеріліп, талқыланатын болады.
Конференцияға Әл-Фараби атындағы Қазақ ұлттық университетінің филология, әдебиеттану және әлем тілдері факультеттерінің оқытушы-профессорлық құрамы, ғалымдар, тіл мамандары және студенттер қатысуда.
Пленарлық мәжілістен соң Мархабат Томанов атындағы аудиторияның ашылу рәсімі өтеді.