АТЫРАУ. 16 Атырау облысында апатты жағдайда тұрған 11 мектепті сүріп тастау жоспарлануда.Олардың орнына жаңа мектептер салынатын болады, деп хабарлады өңір әкімдігінің баспасөз қызметінен.

«11 мектептің 6-ауы бюджет қаражаты есебінен салынады - 4-еуі республикалық, 2-еуі жергілікті бюджеттен қаржыландырылады. Тағы 5 мектеп мұнай саласында жұмыс істейтін «Норт Каспиан Оперейтинг Компани» және Каспий құбыр өткізу консорциумы компанияларының демеушілік қаражаты есебінен бой көтеретін болады. Оған қоса оқу мекемелерінің жағдайын тексеру барысында күрделі жөндеуді қажет ететін 8 мектеп анықталды», - деді әкімдік баспасөз қызметінің басшысы Қайрат Тарбаев.