ТАЛДЫҚОРҒАН. 24 Алматы облыстық балалар құқықтарын қорғау  департаментінде ашық есік күні болып өтті.Құқық қорғау органдары мен білім беру қызметкерлері облыстық «Айналайын» балалар үйінің, Дәнеш Рақышев атындағы мектеп-интернатының тәрбиеленушілері, Талдықорғанның № 13 жәрдемші мектебінің оқушылары өмірде кездесетін түрлі жағдайларды шешудегі мамандардың кеңестерін алды.

 Алматы облыстық балалар құқықтарын қорғау  департаментінің директоры Гүлнәр Ермекбаеваның айтуынша, балалар мен олардың ата-аналарын құқықтық ағартушылық мәселелері қазіргідей құқықтық мемлекет қалыптасу үрдісі жалғасқан кезеңде Қазақстанда ерекше маңызға ие.