ҚЫЗЫЛОРДА. 10 Қызылордадағы Қорқыт ата атындағы мемлекеттік университетте орыс тілі мен әдебиеті пәні бойынша қалалық олимпиада өтті.Пушкин мен Толстойдың тілінде сауаттылық көрсету жарысына қала мектептері бойынша өтініш білдірген 130 оқушының сынақтан өткен 80-і қатысты. Оныншы және он бірінші сыныптар оқушыларының арасында өткен сайыстың бірінші кезеңі - эссе жазу, екіншісі - тұсаукесерге арналды. Оқушыларға ортақ тақырып ретінде Тәуелсіздіктің 20 жылдығы мен іргелі оқу орнының 75 жылдығы берілді. Осы тапсырмалардың мазмұнын ашып, ойын шынайы жеткізе білген жүйріктер жүлделі орындарға шықты.
Нәтижесінде бас бәйгені №23 мектеп оқушысы Алена Эм мен №5 мектеп оқушысы Сара Назарбаева жеңіп алды. Жүлдегерлердің барлығы бағалы сыйлықтармен марапатталды.