Қарағанды облысында биылғы жылы білім беру қызметкерлерінің дәстүрлі тамыз кеңесі жаңа форматта ұйымдастырылды. Конференция үшін TEDx зияткерлік стилін таңдап, қызықты және озық идеялары бар спикерлерді жинады, деп өңір басшысының ресми сайтына сілтеме жасап.

Модератор ретінде аймақ басшысы Ерлан Қошанов сөз сөйледі.С. Сәпиев атындағы облыстық бокс орталығының үлкен залында өткізілген жиын онлайн-режімде өтті. Оған облыстың барлық қалалары мен аудандарынан 10 мыңнан астам адам келді. Шараға ҚР Білім және ғылым вице-министрі Рүстем Биғари, «Назарбаев Зияткерлік мектептері» ДББҰ Басқарма төрағасы Күләш Шамшидинова қатысты. Көрмеде жаңа білім беру технологиялары мен оқу жабдықтары, сондай-ақ мектеп оқушылары мен колледж студенттерінің экологиялық жобалары ұсынылды. - Тамыз конференциясы – ең беделді педагогикалық алаң. Бұл жерде білім берудің барлық өзекті мәселелері талқыланады және ең бастысы оларды шешудің нақты жолдары қабылданады. Биылғы жылы біз конференцияны дәстүрлі түрде өткізуден бас тарттық. Ол алғаш рет көпшілік алдында сөз сөйлеудің жаңа жанрында өтеді, - деді Ерлан Қошанов. - Біз қазір жаңа технологиялық революцияның куәгері болдық. Бұл тек техник мамандарына ғана емес, әрқайсымызға қатысты. Мемлекет басшысы айтқандай, «Білім беру жүйесі жаңа үрдістерге тез бейімделуді қажет етеді». Сондықтан да біз жаңа оқу жылында өз жұмыстарыңызда қолдануға болатын жаңа тәсілдер, қызықты жобалар, креативті идеяларды талқылауға жиналдық.  Спикерлер білім берудің барлық бағыттары: мектепке дейінгі, орта және кәсіби білім бойынша баяндамалар жасады. Өз тәжірибесімен тек педагогтар ғана емес, кәсіпкерлер, құрылысшылар мен спортшылар да бөлісті. Мысалы, Шахтинск қаласында білім берудің фин үлгісі енгізілді, бұл тәжірибе тиімді болды. Шахтинск мектептерінде ішкі аудит жүйесі енгізілді. Оқушылар жұмыс процесін өздері бақылап, тайм-менеджментке үйренуі үшін қоңыраудан бас тартты. «Мектеп-интернат-колледжі» жобасы пилоттық режімде үш ауылдық ауданда іске қосылады. Оның мақсаты – ауыл жастарының болашақ мамандығын анықтауға көмектесу. «Кішкентай кемеңгерлер» атты оқу құралы таныстырылды. Қатысушылар СТИМ-білім беруді енгізу жолдарын талқылады. Конференция барысында мұғалімдерді алдағы уақытта өзгерістер болатыны туралы жаңалық қуатты. Жақында көптен күткен «Педагогтардың мәртебесі туралы» заң жобасы Парламент депутаттарының қарауына берілді. Мемлекет басшысы педагогтардың жалақысын екі есеге арттыру міндетін қойды, деп атап өтті Ерлан Қошанов. Конференция барысында білім беру саласының ардагерлері мен үздік қызметкерлер марапатталды. Сондай-ақ облыс әкімінің Құрмет грамоталары мен алғыс хаттары берілді. Бірнеше адам «Білім берудің құрметті қызметкері» атағына ие болды.