Батыс Қазақстанда 100 мыңнан астам шәкірт оқу жылын аяқтады

– Батыс Қазақстан облысында 390 мектепте 108 мыңнан астам шәкірт оқу жылын аяқтады, деп тілшісі.БҚО білім басқармасының баспасөз қызметі мәлім еткеніндей, карантинге байланысты биыл соңғы қоңырау мерекесіне арналған онлайн сынып сағаттары ұйымдастырылды. Облыс бойынша биыл 5142 түлек мектеп бітірді. Соның ішінде 362-сі «Алтын белгі» иегері атанса, 223-і үздік аттестатқа қол жеткізді. Өңірде 13005 мұғалім болса, соның ішінде 2668-і – жоғары санатты ұстаздар. Әлеуметтік желілерде үздік мұғалімдер, шәкірттер табыстары, озық білім беру жобалары туралы «Сәт сапар, жас түлек!», «Ұстаздарға мың алғыс!», «Мектеп – білім ордасы», «Көңілді жазғы демалыс» деген тақырыпта бейнесюжеттер жарияланды. Әлеуметтік желі арқылы таралғанындай, облыстан алыста орналасқан Жәнібек ауданында соңғы қоңырау ерекше ұйымдастырылды. Әдемі безендірілген автокөліктер әнмен бірге қоңырау соға отырып, ауылдар көшелерімен жүріп өтті. Өз үйлерінің жанында тұрған балалар оларға жалаушаларымен қол бұлғады.
nullnullnull
Iздеу

Күнтізбе