АЛМАТЫ. 23 Қазақстанның мұнай-газ саласында әлі білікті мамандар тапшы.Бұл туралы бүгін Алматыда «Мұнай-газ индустриясының инновациялық даму мәселелері» тақырыбымен өтіп жатқан 4-інші Халықаралық ғылыми-тәжірибелік конференцияда айтылды.
BEng MBA MIET операциялық директоры, Еуропа елдері, Ресей және Каспий техникалық жобаларының жетекшісі Джефф МакДональдтың айтуынша, мұнай-газ саласын білікті мамандармен қамтамасыз ету мәселесі әлі өз шешімін тапқан жоқ. Бұл үрдіске білім беру саласы ілесе алмауда. Сондықтан «Мұнай-газ секторындағы әлеуметтік-экономикалық және мамандар даярлау мәселелері» деп аталатын секцияның «Мұнай-газ секторына мамандар даярлау мәселелері» тақырыбындағы бөлімінде ол жан-жақты талқыланбақ.
Екі күнге жалғасатын іс-шараны ҚР Білім және ғылым министрлігі мен Қазақ-Британ техникалық университеті ұйымдастырды. Конференция жұмысы - «Мұнайды барлау, бұрғылау және тасымалдаудың техникасы мен технологиялары», «Көмірсутек пен минералдық шикізатын өңдеудің технологиялары және мұнай-газ секторындағы экологиялық мәселелері», «Мұнай-газ секторындағы математикалық үлгілеу және ақпараттық технологиялар» деп аталатын 4 секция бойынша жүрмек