АСТАНА. 24 Ағымдағы жылдың 25 мамырында Астана қаласындағы С. Сейфуллин атындағы Қазақ агротехникалық университетінде «Жылу энергетикасы» мамандығы бойынша білім алатын студенттер үшін Қазақстан құбыр зауытына көшпелі семинар ұйымдастырылады.Бұл туралы «Тұрғын үй-коммуналдық шаруашылығын дамыту мен жаңғыртудың қазақстандық орталығы» АҚ-дан хабарлады.

Экскурсияға студенттердің оқытушылары мен коммуналдық кәсіпорындардың мамандары барады.

Зауытта болашақ жылу энергетиктер құбырлардың дайындалу процесімен танысып қана қоймай, жұмыстарға тікелей қатысатын болады.

Семинар «Тұрғын үй-коммуналдық шаруашылығын жаңғырту мен дамытудың қазақстандық орталығы» АҚ мен С. Сейфуллин атындағы Қазақ агротехникалық университеті арасындағы консорциальдық келісім шеңберінде өткізілмек.

Қазақстан құбыр зауыты - бұл сумен жабдықтауға және кәрізге арналған полимер материалдардан жасалатын құбырлар мен олардың бөлшектерін өндіруге мамандандырылған ғылыми-техникалық және технологиялық әлеуеті жоғары кәсіпорын.