Бүгін, 23 қазан күні Астанада Қазақстан Республикасы Мәдениет және спорт министрлігі қазақ тілінен сабақ беретін оқытушылар арасында республикалық «Тіл мерейі» байқауын өткізеді, деп хабарлады аталған министрліктің баспасөз қызметінен. "Байқаудың негізгі мақсаты ересектерге мемлекеттік тілді оқытып жүрген педагогтердің ішінен талантты, шығармашылықпен жұмыс жасайтын ұстаздарды анықтау, қолдау, марапаттау, олардың кәсіби әлеуетін дамыту, ынталандыру және озық тәжірибелерін тарату», делінген хабарламада.