ШЫМКЕНТ. 13 Ұлттық бірыңғай тестілеудің қорытындысына сәйкес Оңтүстік Қазақстан облысы бойынша орташа көрсеткіш 65,07 балды құрады, деп хабарлады ОҚО білім басқармасынан.Басқарманың мәліметтеріне сәйкес, үздік көрсеткіш Кентау қаласында -орташа балл 80,27-ні құрады. Екінші орында Шымкент қаласы - 71,42 балл. Бәрінен нашар Сарыағаш ауданының түлектері тестіленді, олардың орташа балы 58. Алты мыңнан астам адам тестілеудің төменгі межесін еңсере алмады.
Білім басқармасының мәліметтерінше, «Алтын белгіге» үміткер 1483 түлектің 236-сы немесе 16 пайызы білімдерін растай алды.