АҚТАУ. Қарашаның 6/Анаргүл Төлегенова/ - Ақтау мектептерінде оқушылардың ата аналарының ұялы телефонына SMS күнделік жіберу жүйесі енгізіле бастады,деп тілшісі.
Оқу орындарының сапасын арттыру мақсатында тәжірибеге енгізілген бағдарламаға қазір 20-дан астам мектеп қосылған.
Бұл баланың сабаққа қатысу үлгерімі мен алған бағаларын, тәртібі мен басқа да шағымдарын ата -аналарға дер кезінде жеткізіп, құлағдар етіп отыру үшін қолайлы болып отыр.
Мектептерде интернет жүйесі арқылы бағдарламаға қатысуға ниет білдірген ата -аналардың ұялы телефондары жазылып алынады.
Арнайы оператор сынып жетекшілерінен сынып журналын алып, ондағы бағаларды SMS күнделік арқылы ата -аналарға күн сайын жіберіп отырады.
Бұл жаңалықты ұстаздар мен ата -аналар қолдап отыр. Алайда оның бір кемшілігі ата-аналардың мектеп жиналысына қатысуы сиреп кетуі мүмкін дейді мектеп мұғалімдері.