ПАВЛОДАР. 18 Павлодар облысында жылдың соңында мектепалды мекемелерінде 1,5 мың орын құрылатын болады, деп хабарланды білім басқармасынан.Бұрынғы 12 мектепалды мекемелерді қайта жөндеуден өткізу жоспарланып отыр. Сондай-ақ Павлодарда 320 орынға арналған жаңа балабақша пайдалануға беріледі.

 Өткен жылы өңірдегі мектепалды мекемелердің желісі 375-тен 403-ке дейін өсті, бұл өз алдына 4 мың бүлдіршінге балабақшалар мен шағын орталықтарға жолдама беруге мүмкіндік берді. Бүгінгі күні 2-6 жас аралығындағы балалардың 81 пайызы облыста орналасқан мектепалды мекемесіне барады. Өңірде орындалып жатқан «Балапан» бағдарламасын уақытынан бұрын аяқтау жоспарлануда.