Алматы қаласының білім беру саласы 2015-2016 жылдардағы жаңа оқу жылына 98%-ға  дайын. Бұл туралы Алматы әкімі Бауыржан Байбектің төрағалық етуімен  өткен жиында Білім басқармасының басшысы Рахат Шимашева айтты.  Басқарма басшысы бүгінгі таңда барлық мектептер оқулықтармен 100 % қамтылғанын жеткізді. Сондай-ақ қаладағы 202 мектептің 200-і жаңа оқу жылына толығымен дайын.

Оның айтуынша, қала бойынша  7 мектепте құрылыс жұмыстары белгіленген кестеге сай жүруде.

Селден зардап шеккен Наурызбай ауданындағы №187, №188, №192 мектептерде жөндеу жұмыстары жаздың соңына дейін аяқталады.

«Нұрлы  жол» бағдарламасы  аясында Алматының Алатау ауданындағы №26 мектеп  жанынан салынып жатқан 900  орындық қосалқы нысан және Әуезов ауданының Қалқаман ықшам ауданындағы №157 мектеп жанындағы қосалқы  нысан  2016 жылы пайдалануға беріледі»,- деді Р.Шимашева. 

Жиын қорытындысы бойынша  қала басшысы Бауыржан Байбек тиісті құрылымдарға жаңа  оқу жылына  сапалы дайындық жүргізуді және алдағы  жылу науқанына білім нысандарының толықтай  дайын болуын қадағалауды тапсырды.